پنجاب بھر میں جاری کریک ڈاؤن کے درمیان شہریوں کو کچھ ریلیف فراہم کرنے کے لیے نگران وزیراعلیٰ نے لائسنس ٹوکن رکھنے والوں کو جرمانے پر نرمی برتنے کا اعلان کیا ہے۔
انہوں نے گزشتہ رات پولیس سروس سنٹر لبرٹی کا اچانک دورہ کیا جہاں انہوں نے ٹریفک لائسنس بنانے کے نظام کا معائنہ کیا۔
محسن نقوی نے فوری طور پر ڈائریکٹر جنرل (ڈی جی) پنجاب انفارمیشن ٹیکنالوجی بورڈ سے فون پر رابطہ کیا اور انہیں نظام کو بہتر بنانے کے لیے ٹیم بھیجنے کا حکم دیا۔
ایک اہم فیصلے میں نگراں وزیراعلی نے کہا کہ ڈرائیونگ لائسنس میں جاری ہونے والا ٹوکن پاس ہونے پر تین دن تک چالان نہیں ہوگا لیکن ٹوکن پر تین دن بعد لائسنس نہ بنا تو چالان ہوگا۔
مزید برآں، انہوں نے افسران کو لائسنس کے اجراء میں غیر ضروری تاخیر کے خلاف بھی خبردار کیا۔ شہریوں نے ڈرائیونگ لائسنس کے مسائل کو حل کرنے میں ان کی شمولیت پر نقوی کا شکریہ ادا کیا۔
تمام تازہ ترین نیوز کے لیے ہمارے گوگل نیوز چینل کو آن لائن یا ایپ کے ذریعے فالو کریں۔
