ریاض: سعودی عرب کی جنرل اتھارٹی آف سول ایوی ایشن (جی اے سی اے) نے آئندہ حج 2024 کیلئے پروازوں کا شیڈول جاری کر دیا ہے۔
جنرل اتھارٹی آف سول ایوی ایشن (جی اے سی اے) کے جاری کردہ سرکاری نوٹیفکیشن کے مطابق، قبل از حج پروازیں 9 مئی 2024 کو شروع ہونے والی ہیں۔
حج کے بعد؛ بعد از حج پروازیں 20 جون سے شروع ہوں گی۔
عازمین کو سعودی عرب لے جانے والی پروازیں 10 جون تک آتی رہیں گی۔
عازمین کی یقیناََ اپنے ممالک کی واپسی کا عمل 20 جون سے شروع ہوگا، آخری حج پرواز 21 جولائی 2024 کو روانہ ہوگی۔
نوٹیفکیشن میں یہ بھی کہا گیا ہے کہ پاکستان انٹرنیشنل ایئرلائنز (پی آئی اے) سمیت مختلف ممالک کی ایئرلائنز یکم جنوری 2024 تک حج سے قبل اور بعد از حج پروازوں سے متعلق درخواستیں جمع کر سکتی ہیں۔
یہ شیڈولنگ سالانہ حج 2024 کی تیاریوں کا ایک اہم حصہ ہے۔
تمام تازہ ترین نیوز کے لیے ہمارے گوگل نیوز چینل کو آن لائن یا ایپ کے ذریعے فالو کریں۔
